Аб праекце

Гэты блог расказвае пра шэрых драпежнікаў з Беларусі. Некалькі ваўкоў ходзяць са спецыяльнымі ашыйнікамі з GPS-перадатчыкамі і перасылаюць каардынаты блукання па лесе даследчыкам. Кропкі наносяцца на інтэрактыўную карту, а самыя цікавыя гісторыі з жыцця драпежнікаў публікуюцца ў «Воўчым блогу».

Вывучэнне папуляцыйнай экалогіі ваўка пачалося ў межах Міжнароднай прыродаахоўнай праграмы ў падтрымку запаведнасці, якую сумесна ладзілі нацыянальны парк “Белавежская пушча”, грамадская арганізацыя “Ахова птушак Бацькаўшчыны” і Франкфурцкае заалагічнае таварыства (Германія). Ініцыятыва атрымала працяг у межах праекта “Палессе - дзікая прырода без межаў”, які ажаццяўляе АПБ пры падтрымцы Франкфурцкага заалагічнага таварыства, з'яўляецца часткай Праграмы захавання ландшафтаў пад пагрозай (ELP) і фінансуецца Аркадыяй – дабрачынным фондам Лізбет Раўзінг i Пітэра Болдуіна. Назіранне за ваўкамі з дапамогай спецыяльных ашыйнікаў – толькі адзін з метадаў даследавання.

Задача праекта – атрымаць дадзеныя па экалогіі ваўкоў.

Задача праекта па вывучэнні ваўкоў – атрымаць дадзеныя па экалогіі гэтых жывёл: як яны перамяшчаюцца, харчуюцца, якіязносіны ў зграі і паміж зграямі, якое месца яны займаюць у экасістэме Палесся і Белавежскай пушчы і як на стан папуляцыі паўплывае дзейнасць чалавека.

Другая задача праекта – расказаць шырокай грамадскасці пра значнасць гэтых жывёл у прыродзе і важнасць іх захавання.

Падпісвайся на “Воўчы блог” у ФБ і ВК, каб першым атрымліваць навіны з жыцця таямнічых шэрых драпежнікаў з поўдня Беларусі!

Удзельнiкі праекта

Віктар Фенчук

каардынатар праграмы

Франкфуртскае заалагічнае таварыства / Ахова птушак Бацькаўшчыны

Аляксандр Пекач

(удзельнічаў да 2019) адлоў ваўкоў і праца з фотапасткамі

Ахова птушак Бацькаўшчыны

Мікалай Чэркас

(удзельнічаў да 2019) праца з фотапасткамі

Ахова птушак Бацькаўшчыны

Аляксей Буневіч

(удзельнічаў да 2019) навуковае суправаджэнне

Нацыянальны парк «Белавежская пушча»

Дзмітрый Шамовіч

адлоў ваўкоў і праца з фотапасткамі

біёлаг, спецыяліст па крупным драпежнікам

Ірына Кашпей

Навукова-тэхнічнае суправаджэнне

Ахова птушак Бацькаўшчыны

Настасся Кузьмянкова

Адлоў ваўкоў і праца з фотапасткамі

Сябры праекта

Нацыянальны парк “Белавежская пушча”

Белавежская пушча — адзін з самых буйных лясных масіваў раўніннай Еўропы, які захаваўся да нашых дзён у адносна непарушаным стане. У беларускай частцы, а таксама на прылеглых землях створана Дзяржаўная прыродаахоўная ўстанова “Нацыянальны парк “Белавежская пушча” плошчай у 150 069 га.

Франкфурцкае заалагічнае таварыства

Адна з найстарэйшых прыродаахоўных арганізацый у Еўропе, заснаваная ў 1858 годзе. Прыярытэтам дзейнасці таварыства з'яўляецца прасоўванне ідэй захавання дзікай прыроды ў Германіі і значных месцах для дзікай прыроды па ўсім свеце.

Ахова птушак Бацькаўшчыны

Грамадская арганізацыя працуе дзеля захавання разнастайнасці відаў і экасістэм у Беларусі шляхам далучэння насельніцтва да актыўнай аховы прыроды. Асноўнымі мэтамі АПБ з’яўляюцца захаванне біялагічнай разнастайнасці і заахвочванне насельніцтва да актыўнай аховы прыроды.

Падпiшыся на навiны